જુવો પંખીડાના આ બચ્ચા માળામાં
કેવી ચાંચો અધ્ધર કરી ને કરે પાંખો પહોળી
ચાંચો ખોલીને કાઇંક બોલવા મથે
તેમના જીણાં જીણાં કલરવ માં
હજુ તેમના કંઠમાં પૂર્ણ સ્વર આવવાનું બાકી છે
ઉગતા આ ભાસ્કર હુંફ જરૂર આપશે તેમને
નાની આંખો પહોળી કરીને નિહાળે ખુલ્લો આકાશ
આછી આ પાંખો માં તેમનો કોમળ દેહ પાર વર્તાય
હજુ તેમને પીંછાનું પહેરણ પહેરવાનું બાકી છે
ઉગતા આ ભાસ્કરની હૂંફ જરૂર આપશે તેમને
કેવી ચાંચો ભરી ભરી ને ખવડાવે
પંખીડા પોતાના આ બચ્ચા ને કેવું રૂપાળું વ્હાલ નીતરે
આ તણલખલાનાં માળા માં
હજુ તેમના પીંછામાં પૂર્ણ રંગ નિખારવા નું બાકી છે
ઉગતા આ ભાસ્કર ની હુંફ જરૂર આપશે તેમને
ગગનમાં ઉડવા નો ઉમંગ છે
આ પંખીડાને ખુલ્લા આકાશ માં
પાંખો હલાવી હલાવી ને
નિત નિત કસરત કર્યા કરે
હજુ તેમની કાયામાં પૂર્ણ શક્તિ ઊભરવા ની બાકી છે
ઉગતા આ ભાસ્કર ની હુંફ જરૂર આપશે તેમને
પછી તેઓ નિરાંતે પાંખો હલાવી ને ગગન માં ઉડાન ભરશે
હે ઈશ્વર તેઓને આ શિકારીઓની આંખથી તું બચાવજે
ઉગતા ભાસ્કર ની હુંફ જુરુર સદબુદ્ધિ આપશે તેમને
ઉગતા ભાસ્કર ની હુંફ જુરુર સદબુદ્ધિ આપશે તેમને
Leave your suggestions here
Note: Only a member of this blog may post a comment.