ગોકુળ તજે ભલે તું - મનડું તજે તો જાણું.
વહે વેગળો ભલે તું - મને દે દગો તો જાણું.
ગોકુળ તજે.......
ભુલ્યો શાને તું ભુદરા, જો ભીંજાશે આંખ મારી.
પંડ તારું પણ પીડાશે, પીંખી જો પાંખ મારી.
દલડું દુભાવનારા - સુખે સુઈ શકે તો જાણું.
ગોકુળ તજે.......
લીધાં આવાં અબોલ, કિયા કારણે તે કાના ?
થઈ વ્હાલો વખડાં, ધીધા કિયા કારણે તે કાના ?
મેં પણ લીધા અબોલા - તું મનાવી લે તો જાણું.
ગોકુળ તજે.......
દીધાં શું દુઃખડાં, તેથી સમરણ સદા કરું છું ?
જીવતર કરીને અરપણ, લે ઋણ અદા કરું છું.
પ્રથા આ યુગ પુરાણી - પલટાવી દે તો જાણું.
ગોકુળ તજે.......
વ્હાલ્પના વેણ બોલે દેજે ક્ષમા તું તેને
વ્યાકુળ વિયોગી જાણી દેજે ક્ષમા "બ્રિજ" ને.
મૂરખ જો બતાવે - મારગ તારો તો જાણું.
ગોકુળ તજે.......
કવિ: -"બ્રિજ મૌન"
Leave your suggestions here
Note: Only a member of this blog may post a comment.